ଇନ୍ଦିରା ଗାନ୍ଧୀ ଆନ୍ତର୍ଜାତୀୟ ବିମାନ ବନ୍ଦର (IGIA) ର ଏୟାର ଟ୍ରାଫିକ୍ କଣ୍ଟ୍ରୋଲ୍ (ATC) ବ୍ୟବସ୍ଥାରେ ଏକ ବୈଷୟିକ ତ୍ରୁଟି ଯୋଗୁଁ ଶୁକ୍ରବାର ସକାଳେ ବିମାନ ସେବା ବ୍ୟାପକ ଭାବରେ ବ୍ୟାହତ ହୋଇଛି। ଏହି ସମସ୍ୟା ଫଳରେ ବିମାନ ଅବତରଣ ଏବଂ ଉଡ଼ାଣ ଉଭୟ ପ୍ରଭାବିତ ହୋଇଛି ପ୍ରାୟ ୧୦୦ରୁ ଅଧିକ ଫ୍ଲାଇଟ୍ ବିଳମ୍ବ ହୋଇଛି।
ବିମାନ ବନ୍ଦର କର୍ତ୍ତୃପକ୍ଷଙ୍କ ଅନୁଯାୟୀ, ATC ବ୍ୟବସ୍ଥାରେ ଥିବା ଏକ ସଫ୍ଟୱେର୍ ଜନିତ ତ୍ରୁଟି ଯୋଗୁଁ ଏହି ବ୍ୟାଘାତ ସୃଷ୍ଟି ହୋଇଛି। ବର୍ତ୍ତମାନ ଇଞ୍ଜିନିୟର୍ ଏବଂ ATC କର୍ତ୍ତୃପକ୍ଷ ଏହି ସମସ୍ୟାକୁ ସମାଧାନ କରିବା ପାଇଁ ଜୋରସୋରରେ କାମ କରୁଛନ୍ତି। ଉଭୟ ସ୍ପାଇସ୍ଜେଟ୍ ସମେତ ଅନେକ ଏୟାରଲାଇନ୍ସର ଫ୍ଲାଇଟ୍ ବିଳମ୍ବ ହୋଇଛି।
ଦିଲ୍ଲୀ ଇଣ୍ଟରନ୍ୟାସନାଲ୍ ଏୟାରପୋର୍ଟ ଲିମିଟେଡ୍ ଏକ ଯାତ୍ରୀ ପରାମର୍ଶ ଜାରି କରି ସମସ୍ୟାକୁ ସ୍ୱୀକାର କରିଛି। “ATC ବ୍ୟବସ୍ଥାରେ ବୈଷୟିକ ତ୍ରୁଟି ଯୋଗୁଁ IGIA ରେ ବିମାନ ସେବା ବିଳମ୍ବ ହେଉଛି। ଟିମ୍ ଯଥାଶୀଘ୍ର ଏହାକୁ ସମାଧାନ କରିବା ପାଇଁ DIAL ସମେତ ସମସ୍ତ ଷ୍ଟେକହୋଲ୍ଡରଙ୍କ ସହିତ ସକ୍ରିୟ ଭାବରେ କାର୍ଯ୍ୟ କରୁଛି।”
ବାରଣାସୀ ଠାରୁ ମୁମ୍ବାଇକୁ ଯାଉଥିବା ଅକାସା ଏୟାର୍ ଫ୍ଲାଇଟ୍ରେ ଏକ ଆତଙ୍କଜନକ ପରିସ୍ଥିତି ସୃଷ୍ଟି ହୋଇଛି। ଯେତେବେଳେ ଜଣେ ଯାତ୍ରୀ ଆକାଶରେ ଥିବା ସମୟରେ ଆପାତକାଳୀନ ଦ୍ୱାର ଖୋଲିବାକୁ ଚେଷ୍ଟା କଲେ । ଫ୍ଲାଇଟ୍ ଟେକଅଫ୍ ପରେ କିଛି ମିନିଟ୍ ହେବା ପରେ ଏହି ଘଟଣା ଘଟିଥିବା କୁହାଯାଉଛି । ଏହା ପରେ ଯାତ୍ରୀମାନେ ଭୟଭୀତ ହୋଇ ପଡ଼ିଥିଲେ ଓ ବିମାନରେ ସବୁ ଯାତ୍ରୀ ଭୟଭୀତ ହୋଇପଡ଼ିଥିଲେ।
ସୋମବାର ଦିନ ବାରାଣସୀରୁ ମୁମ୍ବାଇ ଯାଉଥିବା ଏକ ବିମାନରେ ଜଣେ ଯାତ୍ରୀଙ୍କୁ ଉଡ଼ାଣ ପୂର୍ବରୁ ବିମାନର ଜରୁରୀକାଳୀନ ପ୍ରସ୍ଥାନ ଦ୍ୱାର ଖୋଲିବାକୁ ଚେଷ୍ଟା କରିବା ଅଭିଯୋଗରେ ଅଟକ ରଖାଯାଇଛି। ଅଭିଯୁକ୍ତ ହେଲେ ଜୌନପୁର ଜିଲ୍ଲାର ଗୌରା ବାଦଶାହପୁରର ଯାତ୍ରୀ ସୁଜିତ ସିଂହ। ଜରୁରୀକାଳୀନ ପ୍ରସ୍ଥାନ ଖୋଲିବାକୁ ଚେଷ୍ଟା କରି ଧରାପଡ଼ିଥିଲେ। ତେବେ ସେ କାହିଁକି ଏପରି କରିଥିଲେ କାରଣ ଏଯାଏ ଜଣାପଡ଼ିନାହିଁ।
ଏହା ଆକାସା ଏୟାରର ବିମାନ QP 1497ରେ ଘଟିଥିବା ଜଣାପଡ଼ିଛି।
