ଆସୁଛି ଆଉ ଏକ ଲଘୁଚାପ। ପୁଣି ଆସିବକି ବାତ୍ୟା! ଆସନ୍ତା ୨୨ରେ ସୃଷ୍ଟି ହୋଇ ପାରେ ଲଘୁଚାପ । ୨୪ରେ ଏହା ଅବପାତର ରୂପ ନେଇ ଆକଳନ ଲଗାଇଛନ୍ତି ପାଣିପାଗ ବିଶେଷଜ୍ଞ। ଏମିକି କିଛି ଆକଳନ ପରେ ବାତ୍ୟା ଆଶଙ୍କାକୁ ଏଡାଇ ଦିଆଯାଇ ନ ପାରେ। ମାଲକା ସମୁଦ୍ର ସନ୍ଧିରେ ସୃଷ୍ଟି ହୋଇଛି ଘୁର୍ଣିବଳୟ।
ପୁଣି ଆସିବକି ବାତ୍ୟା। ମାଲକା ସମୁଦ୍ର ସନ୍ଧିରେ ସୃଷ୍ଟି ହୋଇଛି ଘୁର୍ଣ୍ଣିବଳୟ । ଏବେ ପଶ୍ଚିମ କେନ୍ଦ୍ରୀୟ ବଙ୍ଗୋପ ସାଗରର ସମୁଦ୍ର ପତ୍ତନ ଠାରୁ ବାୟୁମଣ୍ଡଳରେ ୫.୮ କିମି ଉଚ୍ଚତା ଯାଏଁ ସକ୍ରିୟ ରହିଛି। ଏହାର ପ୍ରଭାବରେ, ୨୨ ନଭେମ୍ବରରେ ଦକ୍ଷିଣ-ପୂର୍ବ ବଙ୍ଗୋପସାଗରରେ ଗୋଟିଏ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ରହିଛି।
ପରବର୍ତ୍ତୀ ସମୟରେ, ଏହା ପଶ୍ଚିମ-ଉତ୍ତରପଶ୍ଚିମ ଦିଗକୁ ଗତି କରି ୨୪ ତାରିଖ ବେଳକୁ ଆହୁରି ଘନୀଭୂତ ହୋଇ ଦକ୍ଷିଣ ବଙ୍ଗୋପସାଗରର ମଧ୍ୟ ଭାଗରେ ଗୋଟିଏ ଅବପାତରେ ପରିଣତ ହେବାର ସମ୍ଭାବନା ରହିଛି। ପରବର୍ତ୍ତୀ ୪୮ ଘଣ୍ଟା ମଧ୍ୟରେ ଏହା ପଶ୍ଚିମ-ଉତ୍ତରପଶ୍ଚିମ ଦିଗକୁ ଅଗ୍ରସର ହୋଇ ଦକ୍ଷିଣ-ପଶ୍ଚିମ ବଙ୍ଗୋପସାଗରରେ ଆହୁରି ଅଧିକ ଘନୀଭୂତ ହେବାର ସମ୍ଭାବନା ରହିଛି। । ଆଗାମୀ ୭ ଦିନ ପର୍ଯ୍ୟନ୍ତ ରାଜ୍ୟରେ ବର୍ଷା ହେବାର ସମ୍ଭାବନା ନଥିବା ବେଳେ ଲଘୁଚାପ ସୃଷ୍ଟି ହେବା ପରେ ସ୍ପଷ୍ଟ ହେବ ବାତ୍ୟାର ରୂପରେଖ।
ଏହାର ପ୍ରଭାବରେ ଓଡ଼ିଶାରେ ୪ ଦିନ ପ୍ରବଳ ବର୍ଷା ହୋଇପାରେ। ବିଶେଷ କରି ଉପକୂଳ ସମେତ ଦକ୍ଷିଣ ଓଡ଼ିଶାରେ ବର୍ଷାର ପରିମାଣ ଅଧିକ ରହିବ। ସୋଆ ସିଇସି ନିର୍ଦେଶକ ତଥା ବିଶିଷ୍ଟ ପାଣିପାଗ ବିଜ୍ଞାନୀ ଶରତ ସାହୁଙ୍କ କହିବା କଥା ଏହା ସମୁଦ୍ର ଭିତରେ ହିଁ ବାତ୍ୟାରୁ ରୁପ ନେଇ ଦୁର୍ବଳ ହୋଇଯିବ । ସ୍ଥଳ ଭାଗ ଆଡକୁ ଆସିଲା ବେଳକୁ ଏହା ଦୁର୍ବଳ ହୋଇଯିବ ।
ଉତ୍ତର ତାମିଲାନାଡୁ ଦକ୍ଷିଣ ଆନ୍ଧ୍ର ଅଞ୍ଚଳରେ ବର୍ଷା ପବନର ତିବ୍ରତା ଅଧିକ ରହିପାରେ। ଦକ୍ଷିଣ ଓଡିଶା ଓ ଉପକୁଳ ଜିଲ୍ଲା ଗୁଡିକରେ ବର୍ଷା ହେବା ନେଇ ଆକଳନ କରାଯାଉଛି। ଲଘୁଚାପ ପ୍ରଭାବରେ ଉପକୁଳ ଓ ଦକ୍ଷିଣ ଓଡିଶାରେ ବର୍ଷା ସମ୍ଭାବନା ଥିବାରୁ ଅମଳ ଧାନ ପାଇଁ ଏହା ଅଡୁଆ ସୃଷ୍ଟି କରିପାରେ।
